අප සෞඛ්‍ය අංශද නිතර නිතර ආපන ශාලා ආහාර වේල පිළිබඳව සුපරීක්ෂා කරන අතර, ඒවායෙහි ඇති අපිරිසිදුකම පිළිබඳව නඩු පවරන අවස්ථා පිළිබඳ වාර්තා වේ. එහෙත් එම ආහාර වේලේ ඇති පෝෂණීය ගුණය රසකාරක වලින් ඇති වන අගතීන් පිළිබඳව නඩු පැවරීමට ක්‍රියා කරන බවක් නොපෙනේ. එහෙත් සෞඛ්‍ය හා පෝෂණ අංශ වල ඇතැම් ප්‍රබුද්ධයන් මෙහි ඇති ගුණදොස් විටින් විට ප්‍රකාශ කරන අතර, එමඟින් ඇති වී ඇති අයහපත් ආහාර රටාව පාලනය කර ගත නොහැකිව සිටී. මෙම සියලු තත්වයන් සැලකිල්ලට ගෙන ඉතා ඉක්මනින් අප අපේ පැරණි ආහාර රටාව හෝ නව විද්‍යානුකූල ආහාර රටාවකට වහ වහා යොමු විය යුතුය. එසේ නොවුනහොත් සමස්ත ජනතාවම රෝගී වී, සෞඛ්‍ය වියදම් ඉහළ ගොස්, රට කරගෙන යා නොහැකි තත්වයකට ද පත් විය හැකිය. එබැවින් අප අපගේ ආහාර රටාව පිළිබඳව විද්වත් සාකච්ඡා කළ යුතු වේ. මේ සඳහා සමාජයේ උස් පහත් විවිධ තරාතිරම්වල අයගේ අදහස් උදහස් ලබා ගත යුතුව ඇති අතර, සෞඛ්‍ය හා පෝෂණ ක්ෂේක්‍රයේ ප්‍රබුද්ධයන්ගේ මතවාදයන් ද සැලකිල්ට ගෙන මෙම සංවාදය කළ යුතු වේ. අප ආහාර රටාව ප්‍රමිතිකරණයට ලක් කළ යුතු අතර, ගමේ නගරයේ ඇති චයිනීස් කැෆේ ආපන ශාලා හා අනෙකුත් ආහාර සකස් කරන ස්ථාන වලින් අදාල වැඩ සටහන් ක්‍රියාත්මක කළ යුතුව ඇත. එම වැඩසටහන් පිළිබඳව සුපරීක්ෂාව උපදේශණය හා නෛතික හැඩ ගැසීම සෞඛ්‍ය පෝෂණ වෙළඳ කෘෂිකර්ම අමාත්‍යංශ ද පළාත් රාජ්‍ය සේවය ද මෙහෙයවිය යුතුය. මෙම මතවාදය පිළිබඳව ජනතාව දැනුවත් කිරීම කළ යුතුම කරුණක් වන අතර එය ජනමාධ්‍ය හා ප්‍රබුද්ධ සමාජයෙන් ඉටුකළ යුතුය. අදාල වැඩ සටහන සඳහා මාධ්‍ය සහාය ඉතා වැදගත් බැවින්, රූපවාහිණිය ගුවන් විදුලිය හා අන්තර්ජාලය ආදී ක්ෂේත්‍ර වලින් ජනතාව අතරට මෙම පණිවුඩය ගෙන යා යුතුය. අවංක ලෙසට ම සියලු අංශ මෙම සත් ක්‍රියාවට දායක වුවහොත් ඇති වී ඇති ව්‍යසනය ඉතා කෙටි කලකින් වෙනස් කර ගත හැකි බව පෙනේ
කමෙන්ට් අදාලයි
ලියන්නේ කෝංගල ඩබ්.එන්.එන්. ගුණපාල විසිනි
තවත් ලිපි පෙළකින් හමු වෙමු
